As visitas guiadas de Amodo Turismo son paseos (de diversa lonxitude e duración) nos que descubriremos un importante patrimonio rural ao tempo que gozamos dunha paisaxe chea de contrastes entre o mar e a montaña.

-Percorreremos os mellores miradoiros do Baixo Miño e zonas de abrupta costa, todos eles testemuñas de relevantes feitos históricos.

-Descubriremos toda a vida que albergan os montes, ribeiras dos ríos, pozas e brañas, así como a rica variedade de cultivos do val do Miño.

-Gozaremos contemplando a arte gravada na pedra ao longo de séculos (ou incluso milenios): desde os petróglifos prehistóricos de formas máis ou menos definidas ata os fermosos detalles de cantería conservados en muíños, fontes e cruceiros.

-A cada paso que nos topamos co tanxible, tamén nos empaparemos da riqueza inmaterial que emana de cada lugar. Coñeceremos as lendas, costumes, oficios, prácticas, formas de vida e tradición que seguen vivas grazas á memoria de la poboación local e ao agarimo e orgullo co que as preservan.